港聞

【Emily online】採訪「摸門釘」 啟德海濱發展小組會議紅雨取消 (20:50)

今日天文台兩度發出紅色暴雨警告,學生哥唔駛返學,令一眾打工仔都非常羨慕。Emily原本下午去採訪啟德海濱發展專責小組會議,點知去到就摸門釘,見到會議轉播室外面貼住張紙,話會議因為天雨關係取消。

其他報道:遵理創辦人梁賀琪就言論致歉 成立委員會查師生戀風波 成員包括高登CEO林祖舜

Emily問過發展局,原來根據海濱事務委員會同轄下小組委員會嘅內務守則,會議開始前兩個鐘,如果掛八號或以上熱帶氣旋警告信號、紅色或黑色暴雨警告信號生效,經會議主席同意下,會議就會取消。 由於紅色暴雨警告喺今次會議開始前兩個鐘仍然生效,經主席同意下,秘書處隨即通知各委員會議取消。不過海濱事務委員會同轄下專責小組過往未曾因天雨關係取消會議。

小組成員何文堯(Ivan)同Emily講,12點35分已經收到小組秘書發出嘅電郵,話因為紅雨取消會議,秘書之後仲補多個電話通知,以免小組成員白行一趟。紅雨唔駛開會,仲有咁貼心嘅提示服務,打工仔很想要吧!至於Emily以及一眾同事,無論八號風球抑或黑雨都要返工,全天候緊守崗位,今日就摸門釘都要寫段稿。

上 / 下一篇新聞