港聞

【Emily Online】收11蚊帛金 楊岳橋「This AY」糖回禮 (14:02)

公民黨楊岳橋尋日喺Facebook大爆,收到11蚊帛金,真係百無禁忌,佢今日就準備咗糖「回禮」,「利利是是」咁話。

其他報道:沙田宜家明減價 最低一折但僅1-5件貨 網民猶疑

楊岳橋話,好多網民留言提佢回返粒糖畀人,所以就準備咗包「This AY」糖,叫寄信畀佢嗰位仁兄行過立法會就上去拎,「利利是是」咁話。楊岳橋準備嘅回禮糖隻色就係公民黨的黨徽嘅顏色,上面仲有佢個名嘅簡寫「AY」。

根據習俗,每封吉儀入面都會有一粒糖、紙巾同一個1蚊硬幣,放糖嘅用意喺希望減輕親友的苦,有叫人節哀順變嘅意思;紙巾就畀親人抹眼淚;而嗰1蚊就係表示參加喪禮嘅謝意。

事源日前,立法會日前審議《2016年撥款條例草案》時,民建聯蔣麗芸詛咒建議削減消防處開支嘅人民力量陳志全「殉職」,公民黨楊岳橋就話議事堂百無禁忌,仲叫蔣麗芸畀帛金,點知佢尋日就真係收到帛金。

其他報道:曾健超涉襲警拒捕表證成立

05年婚外情風波 林煥光稱即時請辭不想連累董

 

相關字詞﹕編輯推介

上 / 下一篇新聞