港聞

【Emily Online】黃錦星自PO有頭髮照片 (19:20)

環境局長黃錦星今日喺facebook上載一張36年前的相片,大談自己年輕時的故事,但網民著眼點原來係局長年青時的一把靚頭髮,網民raymond Yap大呼:「A lot of hair!」,商務及經濟發展局副局長、上次立法會曾主席都認唔出嘅梁敬國,都忍唔住留言讚局長「好靚仔喎」。

其他報道:【Emily online】被翻前年無投票舊帳 工聯會新海報撐7天侍產假 王國興、郭偉強抱B廣告被指「HEHE」

局長其實大談當年故仔,順道係推介麥里浩徑。「那些年,正值中五會考前不用返學自修期,數同窗毅然忙裡偷閒,背負重包,遠征這新啟用的百里山路。多年來不時舊地重遊,但當年情景仍歷歷在目:萬宜水庫東壩六角柱地貌(今世界地質公園部分)、大浪四灘一尖......並驚覺一團友背包,竟暗藏一本N吋厚會考化學科天書同行!佢話郊遊不忘「本」。」

黃錦星話:「本土夢想之路豈止一徑,如東南有龍脊、東北有苗三古道(經荔枝窩)、西南有大嶼鳳凰徑等等。去邊都好,郊遊須不忘本,山友本份應是真.愛自然,行山基本應參照「山野無痕 Leave NO Trace」,如自己垃圾自己帶走、自己水壺自己帶(少用即棄)。Don’t mess up OUR dream trails!」

其他報道:【獸父長期姦5歲親女】官引弗洛伊德名句作判辭開端 斥被告為「社會渣滓」

其他報道:【獸父長期姦5歲親女】專家指女童心理狀況沒進步 稱父為「嗰個衰人」 被告擬上訴

相關字詞﹕編輯推介 黃錦星

上 / 下一篇新聞