港聞

【Emily online】被翻前年無投票舊帳 工聯會新海報撐7天侍產假 王國興、郭偉強抱B廣告被指「HEHE」 (16:12)

9月就係立法會選舉,不同政黨都開始表態參選同大力宣傳,近日工聯會掛出支持男士侍產假嘅海報,工聯會立法會議員王國興同郭偉強粉墨登場,郭偉強抱住BB,王國興就在側,面露笑容,場面溫馨。海報下面仲寫住男士侍產假「向全薪七天邁進」,不過網民睇到嘅又係另一個畫面,有網民形容係「hehe忘年戀」、「多謝工聯會支持多元成家」。

其他報道:【獸父長期姦5歲親女】官引弗洛伊德名句作判辭開端 斥被告為「社會渣滓」

海報嘅相片喺網上流傳,引來網民熱論,有網民話「同性婚姻合法化」、「兩個爸爸」。亦有網民翻舊帳,重提兩年前立法會審議《2014年僱傭(修訂)條例草案》,容許男士享有不多於3天的有薪侍產假,當時有泛民議員提出修正案,要求增至7天,但修正案在功能組別投票未獲通過,分組點票下遭否決,而當日在席的6名工聯會議員沒有投票。

王國興同Emily講工聯會趁男士侍產假一周年,希望能爭取增加到7天,早前仍有舉行請願,所以賣廣告加大爭取力度。對於2年前無支持修正案,王國興話當時要履行同勞顧會嘅協議,希望市民理解爭取勞工權益要一步步黎,唔可以一步到位。而被人話HEHE,佢話能引起人關注侍產假議題係好事,「王國興同郭偉強同性戀,無可能啦」。

其他報道:【關公災難】派免費漢堡推9個邀請狂引逾萬人享用 會員鬧爆無位 Ruby Tuesday致歉

相關字詞﹕編輯推介 侍產假 工聯會

上 / 下一篇新聞