港聞

【Emily Online】林日曦蔣麗芸矛盾大爆發 林奪門離開:我喺度蔣議員唔開心,等佢自己拍 (23:36)

林日曦和蔣麗芸參加ViuTV節目《跟住矛盾去旅行》,節目今日播出最後一集,兩個人嘅矛盾可謂全面升級,基本上所有行程都係各有各做,差唔多係唯一一幕同場,係兩個人隔住中間人針鋒相對,最後更搞到林日曦奪門離開,佢更加話:「我喺度蔣議員唔開心,等佢自己拍。」

其他報道:【Emily Online】游蕙禎po出世紙證香港人:對這地方付出多少,非由身分證英文字母量化

節目開始,林日曦和蔣麗芸先去一個租借西裝的機構做義工,蔣麗芸被安排拆走套住西裝嘅膠袋,林日曦就被安排擦皮鞋。林日曦邊擦邊話:「蔣議員擦鞋應該叻啲,唔係嗰種『擦鞋』,佢成日成副武裝,西裝、皮鞋。」

兩人未見面,林日曦就話要做實驗,全程不會同蔣麗芸講嘢,只會透過中間人說話。兩人擔任面試官後,同場講感受,一同場兩人就矛盾大爆發,林透過中間人向蔣講嘢,蔣麗芸就話:「有咩好實驗、千山百水嚟韓國做實驗?」又形容林係「一個香港中年男子、態度曖昧、眼神虛浮」。之後,林無好氣走咗出房。

其他報道:【ViuTv放榜】「跟住矛盾:曾鈺成X梁國雄」成收視冠軍 至少68.9萬人收看

相關字詞﹕編輯推介

上 / 下一篇新聞