港聞

【Emily Online】醫管局周年大會開幕 「惡搞」梁栢賢陳年照  (12:06)

一連兩日嘅醫管局周年研討大會今日開幕,醫管局每年都會設計主席同行政總裁嘅改圖博君一笑,今年為咗配合紓緩治療嘅主題,更加「出賣」咗行政總裁梁栢賢(PY)陳年照,由細個讀書時嘅童年相,至初做醫生時嘅青年相,另外又畫咗條皺紋幻想佢老年個樣,有口痕友話,青年PY個Look都有幾分似「劉華」喎。

其他報道:【行李風波】整喊職員? 梁振英:國泰報告「無提到點樣整喊人」

PY就話,佢人生每個階段都有唔同嘅目標,來到老年時,佢就希望可以返母校踢場波,同埋去茶餐廳食個菠蘿包,希望最後能夠「死得有尊嚴」,所以要發展紓緩治療。

PY話,2014年香港死亡人數有4.6萬人,當中九成都喺醫管局離世,預算至2035年,香港死亡人數會增五成至6.9萬人,要做好準備,加強同社區組織合作同推動生死教育,做好臨終規劃。佢仲話,醫管局離世嘅長者中,有四成來自護老院,所以要加強社區護理。

醫管局又趁住25周年推出新呔,圖案當然唔少得佢哋五隻「吉祥物」熊仔。

其他報道:【明報頭條跟進】田北辰:好多誤解喺入面

上 / 下一篇新聞