港聞

下一篇
上一篇

【Emily Online之關公災難】同蘇錦樑合照宣傳 網民嬲嬲拒再幫襯 灣仔玩具店急刪post (22:32)

店舖有名人「加持」往往會生意大增,喺灣仔售賣動漫模型嘅鴻興玩具店,上年就有金像影帝尼古拉斯基治(Nicolas Cage)幫襯,霎時爆紅,咁啱商務及經濟局長蘇錦樑噚日又去到舖頭幫襯,老闆仲影埋相放上facebook做宣傳,點知弄巧反拙,吸咗好多個「嬲嬲豬」,有網民仲話唔會再幫襯添,搞到老闆最後要急急刪除晒啲相,認真係「關公災難」。

其他報道:大圍站升降機翻新停用1月 港鐵叫輪椅客改到鄰站搭

玩具店噚日放咗3張相上fb,話係「蘇局長親力親為介紹香港特色」,仲畀咗3個手指公佢。相中可見,蘇局長手上拎住模型公仔端詳,又同老闆娘齊齊笑住合照,非常開心。

原本諗住搵局長幫手宣傳吓,點知網民唔只完全唔受落,仲嬲到爆,留言問「係未(咪)即係叫我以後5(唔)好嚟」。見到局長咁趕客,玩具店即刻刪晒啲相,費事影響生意吖嘛。

其他報道:旅遊業約百人金紫荊集會籲歡迎旅客 「我是中國人」「我愛旅遊業」

其他報道:「捱」公仔麵配豆豉鯪魚 梁志祥嘆拉布「無啖好食‬」 陳克勤呻陰公

相關字詞﹕關公災難 蘇錦樑

上 / 下一篇新聞