港聞

下一篇
上一篇

【Emily Online】04年舊聞瘋傳 梁振英老婆撞李嘉欣座駕 傾唔掂數要報警 (15:42)

特首梁振英女兒梁頌昕行李風波仍然鬧得熱哄哄,近日機管局報告大爆特首夫人梁唐青儀,因職員唔肯幫女兒拎行李入禁區而感到「唔高興」,就拎住女兒行李走向北閘。

其他報道:何君堯法院內拍照放上facebook 被轟知法犯法

特首噚日就解釋咗話太太無意闖入禁區嘅,只係想同女兒會合。信不信由你啦!行李風波引起咗好多討論,搞到梁太一夜間變成「網絡紅人」,人紅自然就好多相關資訊出現啦,Facebook專頁「昔日香港」就搵返一單2004年關於梁太嘅新聞。

話說梁振英當時仲係行政會議成員,而佢太太梁唐青儀有日就揸住7人車,喺港島大坑道撞到前港姐冠軍李嘉欣嘅平治座駕,冇人受傷,但李嘉欣姓彭嘅司機同梁太就約咗第二朝返回現場商討賠償問題,疑因傾唔掂數,最後報警備案。

彭司機當時報稱,自己沿大坑道東行,右轉入渣甸山白建時道時,一架的士迎頭駛出,就即刻急停,尾隨嘅梁唐青儀渣嘅七人車收掣不及就撞咗,兩車都有輕微損毀。當時彭搵車房問價,話修理費要萬幾蚊,要求對方賠償,點知梁唐青儀唔同意,傾唔掂數,最後唯有報警。

有報道仲引述彭話,梁太當時反過嚟話彭都有責任,「佢『屈』我,話係我倒後撞佢喎!」

12年前嘅事突然浮返上嚟,大家食花生都食得好開心,「支持繼續無限回CY帶」,有人就反問「頭撞尾會係邊個唔啱呢」,亦有人感嘆話「娶妻真係求淑婦」,不過都有網民幫梁太平反「朋友見過(梁唐青儀)真人,nice到你唔信佢係有錢阿太」。

其他報道:【Emily Online】王國興二創SAS洗腦歌 諷拉布議員「嘥嘥嘥」

其他報道:【毓民擲杯案】黃毓民黃定光激動互斥 法官:法庭唔係嗌交嘅地方

相關字詞﹕編輯推介

上 / 下一篇新聞