港聞

下一篇
上一篇

【Emily Online】賀母親節寫「Happy Father's Day」 民建聯區議員撐無印錯 望帶出父親節同重要訊息 (23:58)

已經有多次喺Banner寫錯字前科的民建聯,近日再有區議員犯同樣「錯誤」,facebook專頁「傑出關公系列」貼出一張民建聯社區主任柯倩儀街頭Banner,內容祝賀街坊母親節快樂,但英文就寫上「Happy Father's Day」。不少網民形容係「傑出文盲系列」,但柯倩儀向Emily表示,橫額並唔係印錯,而是希望帶出父親節係同樣重要的訊息。

其他報道:【中伏!】杜蕾斯「百人試戴」直播引逾500萬網民觀看 情侶做體操吃生果噴白煙完場

查實上年母親節,民建聯立法會議員葛珮帆同成員張子賢,已經喺Banner上祝天下父親母親節快樂,網民傳頌笑爆後,民建聯曾經解釋係同事忙中有錯。

事隔一年,網民又發現民建聯北區區議員柯倩儀的Banner犯相似錯誤,網民留言話民建聯經常串錯英文字,今次Father無串錯應該俾個叻叻;亦有人讚民建聯最環保,一張Banner玩埋下個月父親節都仲得。更加有人「突破盲腸」,認為民建聯暗中或支持多元成家,直指「阿媽唔一定係女人」。當然亦有人對於民建聯一錯再錯大感不滿,係時候再講一次「總係要重覆犯錯」。

不過,柯倩儀向Emily表示橫額並非印錯,而是希望帶出父親節是同樣重要的訊息。佢話橫額上公仔有爸爸、媽媽和小孩,配上「母親節快樂,Happy Father's Day」標語,係希望大家不只是慶祝母親節,亦要著重父親節。

Emily問咁樣係咪會有一款橫額係「父親節快樂Happy Mother's Day」,柯話可考慮,仲多謝網民對佢咁關注。

其他報道:【行李風波】報告發表前 梁頌昕曾透過律師表示願提供資料 機管局婉拒

【毓民擲杯案】黃定光作供指立會上睡覺「人之常情」 稱「作睡覺狀」抗議拉布 否認憎黃毓民

相關字詞﹕編輯推介 民建聯

上 / 下一篇新聞