港聞

下一篇
上一篇

【Emily Online】葉劉上Viu TV爆情史:阿媽幫手揾對象 28歲初戀 (19:32)

Viu TV節目《晚吹—一大一路》每集請嚟3至5位小朋友訪問香港政商名人,童言無忌之下,往往問唔到啲意想不到嘅答案。繼「Pacakage劉」劉鳴煒被「圍攻」到一額汗,聽晚輪到立法會議員葉劉淑儀。從Viu TV預告可見,呢班小朋友將會逼葉太講情史,葉太話,後生時「朝8晚8」,又要獨力工作養家,無時間拍拖,葉媽媽心急寶貝囡嘅姻緣,於是就向親友積極推介,皇天不負有心人,葉太28歲時就喺媽媽介紹下,一嚐初戀滋味喇!葉太仲提到自己係單親媽媽,囡囡不時抱怨,話佢唔陪自己出席學校活動,所以葉太離開政府之後,就同囡囡一齊去讀書,抽多啲時間陪佢,補償返咁話。

幾位小朋友仲喺節目入面化身「特首候選人」,向葉太拉票,其中一位小朋友Alvin好鬼精靈,問葉太「會唔會呃我哋呢班小朋友呢?」葉太爽快答「唔會」。Alvin邊有咁易放過佢?打蛇隨棍上問葉太會唔會選特首,葉太就話,暫時未有決定。葉劉淑儀平時喺議會相當有霸氣,對住伶牙利齒嘅小朋友,有無覇氣盡失?節目播出時就開估。

其他報道:電視對談延續「波蘭密友」情 長毛見曾鈺成口乾即遞水 笑對觀眾說:hehe咁又點?

【行李風波】特首點名譴責 《壹週刊》否認滋擾頌昕 履行記者責任採訪涉公眾利益當事人

相關字詞﹕葉劉 特首 愛情 編輯推介

上 / 下一篇新聞