港聞

【Emily Online】彩福邨入伙6年 首見清潔工用水喉洗樓層走廊 顏汶羽樂見終於不再「不明不白」 (11:45)

青年民建聯主席顏汶羽今早以「不明不白」為題喺佢個Facebook撰文,身兼觀塘區區議員嘅佢話,入伙6年幾嘅彩福邨,因為屋苑本身嘅設計問題,亦加上清潔公司管理不善,令到佢地嘅衛生問題一直都「不明不白」,而早前間公司換咗新主管後,終於可以坐低大家傾吓個問題,新主管亦有管理屋苑嘅經驗,所以深明大義,知道再唔搞好衛生問題居民都會好困擾,終於係呢幾日做咗前所未有嘅清潔,令到彩福邨「重見天日」。

其他報道:陳婉嫻:不明不白解僱惹負面情緒毁公司形象

顏汶羽話畀Emily知,彩福邨本身係以居屋設計,後來又以公屋分租,一層有24戶人咁多,但垃圾房又好鬼細,唔夠裝,本身已經有先天設計問題,再加上後天管理不善,佢話以前個清潔公司連人都請唔夠,根本處理唔到咁多問題,令到個衛生情況「好唔掂」,所以6年嚟都有唔少居民批評呢個問題,佢自己都喺facebook話,「是清潔公司問題,是房署問題,也是我的問題」。

不過佢話好彩清潔公司請咗個新主管,而且新主管係有管理屋苑嘅經驗,仲話對方了解咗個問題,仲立即解決,所以呢幾日見到清潔工人第一次用水喉清洗樓層走廊,佢仲好開心咁話,「今後,我要彩福邨重見天日,而非不明不白!

其他報道:撐特首團體庭外舉傘 國旗倒掛

其他報道:譚志源稱中央關注港獨趨勢

相關字詞﹕編輯推介 顏汶羽 不明不白

上 / 下一篇新聞