港聞

【Emily Online】鬍鬚曾生日fb晒蛋糕 一粒鐘吸4000讚好僅3嬲嬲 (20:22)

今日除咗係英女皇90歲生辰外,原來亦係財政司長曾俊華生日。鬍鬚曾傍晚在其facebook感謝大家的祝福,更大晒生日蛋糕相,相中蛋糕仲特別製作了鬍鬚裝飾,十分有心思。

其他報道:港鐵第二輪「生日之星」揭盅 可全日免費「任搭」

其他報道:【Emily Online】一個字母之差 《南早》報道寫習近平去年死了 

結果鬍鬚曾成功「呃Likes」,一小時獲逾4000次「讚好」及逾百個「勁正」,不過若論吸嬲力,佢就比上司、特首梁振英弱得多,隔咗一粒鐘都只有3個「嬲嬲」。

逾300名網民留言祝賀,不少人都留意到原來曾俊華同英女皇一樣,都係4月21日出生,大家除咗行貨地祝佢工作順利、身體健康外,有人祝佢下年用候任特首身份慶祝生日,有人就希望佢健康之餘一齊繼續撐香港,仲話見咁多人祝福,梁特唔恨得咁多咁話。

網民對佢嘅稱呼,更係五花八門,有人叫財爺、有人叫品客叔叔,仲有人叫佢下任特首添。不過亦有網民趁機留言,表達對佢嘅財政預算案不滿,明言香港人唔鍾意大白象工程,希望生日心情特別靚嘅財爺會聽得入耳。

其他報道:平租幫明哥 謝老闆好友買100個書包捐基層

相關字詞﹕編輯推介

上 / 下一篇新聞