港聞

下一篇
上一篇

【emily online】謝偉俊作反? 「香港須改 特首要變」橫額周街掛 (10:24)

有讀者向Emily報料,指曾被人形容「西環契仔」的立法會議員謝偉俊,竟然喺九東一帶掛出離經叛道的橫額,上面寫住「香港須改 特首要變」八個大字,唔通阿Paul作反?想中央換了特首梁振英?

Emily向Paul問個究竟,佢係咪支持明年特首選舉要換人,唔好畀梁振英連任?但佢只係笑笑口,叫Emily自己想像,唔係好肯再解釋果八個大字講乜。有心水清的人分析,「特首要變」呢四個字其實可以好多演繹,除咗話換人,亦可以話特首的做事作風、行事方式要變,可能Paul想試下水溫,掛下呢啲橫額睇下街坊反應先。

唔講橫額,不如講下Paul的最新動向,原來前日(12日)佢去了幫網媒謎米香港做主持,節目叫「法乎情」,都係以佢法律知識分享下對不同cases的睇法。謎米的老闆係蕭若元,最近老蕭宣布退休,加上部分主持離開,所以謎米都有搵吓人幫手,Paul笑言第一次做節目時,見到有啲網民有鬧謎米點解搵建制派做主持,但阿Paul唔介意,乘機可以接觸網民都未嘗不是好事。

相關字詞﹕編輯推介 謝偉俊 梁振英

上 / 下一篇新聞