港聞

【Emily Online】民主思路辦慈善籌款首映禮 財爺想學曾主席玩pun (23:40)

由前立法會議員湯家驊牽頭成立嘅民主思路,今晚舉行電影《美國飛人》(英文為Race)慈善籌款首映禮,政務司長林鄭月娥同財政司長曾俊華、公務員事務局長張雲正等都畀面出席。近日立法會主席曾鈺成大現玩pun(語帶相關)去抽特首梁振英水,話Time lies.See why?今日財爺亦有談pun。

曾俊華致辭時話,曾主席近日舉咗啲例子教大家pun,佢話呢套戲名Race都係pun,可以話賽跑同種族,佢希望睇完呢套戲黎,都會諗到pun寫blog。記者及後問財爺,咁佢又會唔會run the race,參與特首選舉呢場競賽呢?但佢只以哈哈笑聲回應。

林鄭月娥致辭時話,自己都好少同財爺同場出席活動,一係湯家驊好有魅力,或者政府好認同民主思路嘅理念,希望佢哋喺紛爭社會都搵到共識。

湯家驊同Emily講,今次籌款原本目標係120萬元,但至今都超額完成,籌得約170萬元,所有募得款項都會用作民主思路運作,而唔係9月選舉嘅經費。

其他報道:內地航空公司抽CY水? 醒目網民質疑有人改圖

其他報道:特首特辦? 葉劉淑儀:有啲面係有人自動畀你

相關字詞﹕民主思路 曾俊華 湯家驊

上 / 下一篇新聞