港聞

【短片:Emily Online】被「屈」支持開紅燈區? 姚思榮苦笑:我都唔明呀 (15:02)

噚日立法會保安事務委員會討論過去5年,逾期居留及非法入境者從事賣淫被捕人數上升,會計界議員梁繼昌就建議設立紅燈區,仲話旅遊界議員姚思榮都支持。姚思榮今日就忍唔住,向Emily同成班行家講:「佢突然間講依個問題,我都有愕然,當然佢有佢睇法啦,因為今日唔少人問我態度點樣,所以我今日要喺度澄清我睇法。」

姚思榮話,自己唔支持喺香港設立紅燈區,「因為作為利用紅燈區發展旅遊業,依個做法喺香港社會好難實行」。他解釋,因為香港地方比較細,如果喺任何一個地方開紅燈區,都會影響周邊家庭同小朋友。他又話,香港係文明社會,設立紅燈區無正面啟發,「我哋始終係一個中國人為主嘅社會,內地市場佔好大,如果香港開紅燈區,負面信息好明顯,我們不能同歐洲或者其他相對開放國家比,始終我哋有自己嘅社會道德觀念。」

咁究竟點解梁繼昌話姚思榮支持開紅燈區?姚思榮就苦笑話:「我都唔明呀,可能我坐佢後面啦。」

相關字詞﹕編輯推介 紅燈區 姚思榮

上 / 下一篇新聞