港聞

【Emily Online】與青年新政同上節目 葉劉講多謝:佢唔嫌棄我 冇當我係匪類 (11:19)

行政會議成員、新民黨主席葉劉淑儀之前就約見「香港民族黨」及8間大學學生會,希望了解年輕人對本土同港獨思潮嘅睇法,不過最後都食晒檸檬。今日佢就上咗DBC節目,可以近距離同青年新政發言人黃俊傑交流,仲有香港眾志副秘書長周庭添。Emily諗住葉太實會同兩位年輕人好多火花,點知葉太竟然多謝黃俊傑喎!

其他報道:特首特辦?葉劉:有啲面係有人自動畀你

葉太係節目中講到內地嘅系統、文化等等同香港唔同,可能有人做咗人大代表後,有啲嘢知道係唔講得,不過都會透過唔同渠道,私底下向中央表達意見,但年輕人可能唔太知道情況,就以為政府聽唔到佢咃嘅聲音,所以要多啲同年輕人見下面、溝通。

佢之後就話,好多謝黃俊傑,「佢唔嫌棄我」,多謝佢畀面一齊出席節目,又話「冇當我係匪類」。點解佢咁講?葉太早前邀請8大學生會見面時,樹仁大學學生會就係Facebook拒絕邀請,「多謝邀請,我們婉拒。#勿通匪類」,睇嚟葉太對呢個「Hashtag」有啲耿耿於懷喎。

其他報道:戴耀廷再改良「雷動計劃」 增「聰明選民」

其他報道:大公評論指特首施壓必然錯 但無證據證明

葉太又鼓勵黃俊傑同佢哋嘅團隊,積極參選入議會,「從正當合法途徑參與係好事」,又認為係「新舊交替」。

黃俊傑就回應話,喺某啲議題上,「從來都open(交流)」,就好似「網絡23條」嗰時都約過葉太,但就冇回應,又話佢地而家就行緊「進入議會的路線」。

其他報道:王永平:港人最核心價值是毋須恐懼講錯說話

相關字詞﹕編輯推介

上 / 下一篇新聞