港聞

【emily online】鄉議局想革新 劉業強笑稱可考慮搞「村姑選舉」 (16:51)

不經不覺,新界鄉議局今年90周年喇,當然要一系列的慶祝活動啦。Emily見到主席劉業強,佢都為90周年好上心,推介未來有幾單活動希望大家可以留意下,包括6月11日會舉行一個大型嘉年華會,10月份就會喺大嶼山梅窩搞場沙灘音樂會,以及12月會搞老爺車巡遊活動。

咁樣搞法咪搞足半年?劉業強坦言,今年9月有立法會選舉,相信屆時大家都忙於選舉,所以部分活動留待選舉後才搞。除咗上述活動,劉業強都未滿足,依家佢接了老豆劉皇發做鄉議局主席,都想搞下新意思,做啲成績出嚟,一方面會更新鄉議局個官方網頁,亦不排除整facebook專頁,最搞鬼係劉業強聽到傳媒朋友的意見下,笑言都可以考慮搞下新界「村姑選舉」,仲話不如一人一票,提升民主成份添。依Emily睇,最後呢個選舉活動應最夠綽頭,期待鄉議局做場好戲。 

上 / 下一篇新聞