港聞

【Emily Online】創科局終於開facebook同blog 預咗有人畀「嬲嬲」 (23:41)

唔少政策局都先後開咗facebook同blog,同市民溝通,推廣政策,成立4個月嘅創科局亦終於開咗啦!創科局長楊偉雄今日寫咗篇關於Wi-Fi嘅blog,平時局長不忘爆下「金句」,但Emily睇完成篇blog,覺得今次寫得較為平鋪直敍,似係同大家「溫故知新」,例如引用返業界嘅Wi-Fi需求調查,重申擴大Wi-Fi要公私營合作,又透露今年下旬會做顧問研究,幫香港制訂智慧城市嘅數碼架構同技術標準。

其他報道:用作「香港眾志」籌款 周庭恒生戶口只剩提款功能

其他報道:尖沙嘴好時沙嗲不敵加租月中結業

Emily又發現創科局嘅facebook今日亦開始運作,至夜晚11點約有400人like咗,局方趁今日「香港資訊及通訊科技獎頒獎典禮」,不斷上載相片,又玩直播拍片。但好多post都引來網民畀咗「嬲嬲」,睇嚟局方要諗諗計仔,但值得一讚係局方更新得好快,緊貼住全晚頒獎禮嘅盛況。有負責嘅創科局官員同Emily講,facebook係公開平台,開得就預咗有人畀「嬲嬲」,仲透露同facebook申請緊認證嘅「藍剔」。

至於今年資訊及通訊科技獎嘅得獎者,最高榮譽嘅「全年大獎」由浩全科技有限公司獲得,佢得獎嘅雲端平台「SoldEazy」幫到中小企簡單快捷咁開展電子商務。但最矚目都係連奪2獎嘅順德聯誼總會翁祐中學,3名學生發明嘅「智能引路徑」運用RFID無線技術,幫視障人士提供導航功能,除咗攞到「最佳學生發明大獎」,仲因為評審委員會覺得3個小發明家利用創意諗頭幫助弱勢,特登增設個「數碼社會特別獎」頒俾佢哋。

其他報道:CY fb貼新相又惹嬲嬲 究竟梁特首與張曉明睇緊乜?

【換衫走人】警長成作供後,特地在法院內換上寫有「DARKSIDE」字樣的T恤,其後才步出法院......報道: http://bit.ly/1VhZhZg【曾健超案】警長證人稱見一男子欲扔東西落龍和道...

Posted by 明報即時新聞 on 2016年4月11日

相關字詞﹕創科局 楊偉雄

上 / 下一篇新聞