港聞

【Emily Online】CY fb貼新相又惹嬲嬲 究竟梁特首與張曉明睇緊乜? (20:38)

掀起「嬲嬲潮」的特首梁振英facebook專頁,今晚又更新咗最新動向,原來CY去咗睇「一帶一路視覺藝術展」,仲留言話一帶一路涵蓋咗60幾個國家,透過藝術展覽,可以多瞭解呢啲國家的視覺藝術文化。睇展覽都不忘講一帶一路,可見梁特首認真有心。

其他報道:文憑試問社交媒體與政治參與 通識老師:可舉特首fb「嬲嬲潮」作例

有關貼文附有4張相,選取角度同光圈調校都與別不同,例如有張高角度拍攝相片,影晒梁特首頭殼頂,佢旁邊嗰位外籍女子就剛開合埋眼咁款,一副「無眼睇」咁樣,好煞風景。

另一張構圖取材就相當「後現代」,令人猜想究竟圖中的梁振英同中聯辦主任張曉明究竟睇緊乜?睇視線,相中梁振英似乎係欣賞緊展品,但展品位置剛好係一個倒影,相信就係相片拍攝者,仲見到係打紅呔同戴住個職員證,可惜相片解像度唔夠高,睇唔清證件上名字。而張曉明的視線就相當不確定,既似望住梁特首,又似凝視緊正在講解的外籍女士。正所謂一張相片可以有千言萬語,而呢張相片的視覺藝術成分睇嚟都相當高。

一如既往,網民對梁振英fb發文都係「嬲嬲」遠多於「like」,貼咗一小時已經有逾2800個「嬲嬲」,而like就不足200個,嬲與like維持「9:1」的「黃金比例」。

其他報道:唔使去日本!葛珮帆推薦將軍澳睇櫻花

【石屎藏屍】21歲疑犯今生日 曾參加「亞洲星光大道」

【I love you Hong Kong】轉眼已經差唔多19年,有網友就希望彭雅思得閒返香港行吓,探探香港人~報道:http://bit.ly/1UUlQ6k【文憑試】通識必答題再考政治 問民主與全球競爭力關係...

Posted by 明報即時新聞 on 2016年4月10日

相關字詞﹕編輯推介 梁振英 一帶一路

上 / 下一篇新聞