港聞

【Emily Online】「香港眾志」記者會黃耀明王宗堯撐場 影評人舒琪考慮選港島 (19:34)

由前學民思潮召集人黃之鋒、成員周庭等人牽頭嘅新政黨「香港眾志」,今晚召開記者會交代詳情,記者會以首映會形式,話會播放「一部為香港未來而寫的大作《眾志圍城》」。

其他報道:梁美芬冀見到好玩好笑電影 前提非建制不宜

萬人齊跑全城街馬 打扮花樣百出爭妍鬥麗

首映會開始前有唔少名人撐場,例如黃耀明、李怡、王宗堯、陳志雲、佔中三子之一陳健民,以學聯前秘書長周永康及前副秘書長岑敖暉等等,佢哋好似行紅地毯咁,手上仲攞住Oscar──唔係奧斯卡,而係該黨副主席黎汶洛扮成嘅小金人像,點解?相信係因為早前Oscar被人笑係攝石人,曾經有人將佢改圖做小金人,今次「香港眾志」就抽返自己水。

現場有近百名支持者岀席,而喺派發嘅場刊入面,公布左7名核心成員嘅資料同參選立法會意向。羅冠聰係該黨主常,會積極考慮出選港島,副主席黎汶洛考慮選九龍東,演藝學院電影電視學院院長、著名影評人舒琪(葉健行)係黨常委,亦會考慮選港島區。

至於黃之鋒就係該黨嘅秘書長,喺簡介入面提到「香港眾志」成立唔夠100日就到立會選舉報名,需要籌200萬元,好多人之前關注佢哋喺匯豐開唔到戶口,簡介上就附上咗一個恆生戶口號碼。

其餘核心成員仲包括副秘書長周庭,以及兩名九龍東團隊幹事「良心教師」吳美蘭同創辦香港融樂會嘅前總幹事王惠芬。

首映會原訂7點開始,唯現場座位不足,近百名中外記者被拒於門外,無法參與首映會。眾志副主席黎汶洛多次致歉。而主辦方現時正為記者準備網上直播首映會,並提供蛋糕茶點予在場記者。稍後大約8時半首映完結後,香港眾志成員將舉行記招。

其他報道:青年新政等傘後組織籌組選舉聯盟

空勤工會抗議民航處長言論 促周二前交代否則或靜坐

「以後歷史會記著,香港電影的改朝換代,由2015年的《十年》開始。」【家明:Who's afraid of 十年?】全文:http://goo.gl/PkouQ8 (深度訪談 讚好 星期日生活 Sunday Mingpao!)...

Posted by 明報即時新聞 on Sunday, April 10, 2016

相關字詞﹕編輯推介 香港眾志

上 / 下一篇新聞