港聞

下一篇
上一篇

【Emily Online:跟住叔叔去旅行】何君堯有冇講「689」壞話?周庭話…… (09:22)

Viu TV開台日播出綜藝節目《跟住矛盾去旅行》首集,「波蘭密友」曾鈺成同長毛(梁國雄)呢個組合已經非常「吸晴」,同樣引起哄動嘅「學民女神」周庭同建制派區議員「何叔叔」何君堯,日前已去咗日本拍攝節目,呢對男女組合噚日仲喺日本一齊玩Facebook直播,睇嚟矛盾得嚟都幾和諧喎。

其他報道:周庭何君堯日本玩fb直播

究竟佢哋旅途中有咩矛盾,就要等節目出街先知,而何君堯噚日先行打道回府,周庭就喺何君堯臨上機前,同佢一齊玩Facebook直播,邀請何君堯回答網民問題,何君堯講到港獨若冇煽動性就唔違法,仲話有機會都想睇睇獲獎電影《十年》。

Emily都好似其他網民一樣好多問題想同何君堯交流,不過佢答咗大約10分鐘後就要入閘,剩返周庭繼續直播。周庭就趁機會大爆內幕。佢話最初同佢去旅行嘅應該係劉夢熊,但因為劉被判罪成要即時還押去唔到,ViuTV就搵好多建制派人士去,但個個都唔敢去,「因為林日曦同蔣麗芸嗰集,見到就唔想去」,所以周庭讚何君堯「的確係勇敢嘅一個」。佢哋旅途中仲一齊去女僕cafe、靖國神社等,一齊體驗日本文化。

其他報道:《大公》評論指特首不應打這電話 惟父親緊張女兒非死罪

其他報道:報道指機場保安公司將檢視現有程序

有網民就問何君堯「私底下有冇講689壞話?」周庭第一個反應係「好似有喎!」佢話噚日(8日)同工作人員、何君堯同埋佢兩位朋友食飯時,有工作人員討論到「梁頌昕爸爸機場行李事件」,何君堯就突然話:「唉,而家愈臨近特首選舉,呢啲嘢係會發生架啦。」

另外,周庭又大爆,佢哋一行人去羽田機場時,要搭JR再轉機場線,當何君堯同朋友聽到要坐地鐵,都表露出少少不快,但最後都接受。

其他報道:豪宅住客屈清潔工偷手機 物業經理挺身護工人

【愈禁愈想睇】黃秋生:玩個遊戲,就要尊重機制,至於有人說改機制,每個機制都有不足地方......報道: http://bit.ly/1VE43iC【《十年》獲獎】認得知賽果時黑面 黃百鳴:對金像獎評審準則不滿 ...

Posted by 明報即時新聞 on Friday, April 8, 2016

相關字詞﹕編輯推介

上 / 下一篇新聞