港聞

【Emily Online】田少抽水post要人叫佢田議員 tag#懶巴閉 (07:36)

特首梁振英個細女嘅行李風波成為全城熱話,梁振英琴晚發聲明否認向機管局施壓,又否認講過「叫我梁特首」,但向來擅長「抽水」嘅自由黨議員田北俊琴晚又出post,好簡單只有一句話:「唔好叫我田生,叫我田議員!」,當然又引來花生友拍掌叫好啦。

其他報道:梁振英聲明稱無用特權 未提女兒行李是否免安檢

田少呢次雖然說話唔多,但Emily覺得亮點其實唔在佢嘅嗰句話,而係佢個post嘅hashtag。田少落咗3個hashtag:「#懶巴閉」、「#呢D埋叫氣勢囉」、「#維港水位」。亮點亮喺邊?唔使Emily多嘴啦,你懂的!

至於網民回應,就一如以往嘅熱烈,有讚又有挖苦。例如:「我想叫你田特首」、「我一向反建制,但有時幾like田少作風!雖唔會投你票,但至少俾個like你」、「記住多啲抽水,唔好畀佢停」、「抽到太平洋乾埋又點?投票個陣咪又係跟大隊...」、「齋抽水有鬼用.....」、「抽完水,繼續無條件贊成政府一切施政」。

其他報道:馮程淑儀丈夫曾為賭王姨仔公司簽文件

【迅速增長@@】詳情:http://bit.ly/20azG44【特事特辦?】送行李事件前照片曝光 母女禁區外低聲談話 未見黑色手提包http://bit.ly/20awFRe【特首特辦?】機管局:航空公司職員領回遺失行李 經安檢...

Posted by 明報即時新聞 on 2016年4月7日

相關字詞﹕編輯推介 叫我梁特首

上 / 下一篇新聞