港聞

下一篇
上一篇

李力持指本土派如「地洞人」 自稱「快樂地球人」 多謝國家予特區護照四處去 (14:34)

喜劇導演李力持接受《HKG報》訪問時,大談本土派與近來香港社會紛爭。他指本土派就如活在地洞的人,「佢哋係本-土-派,即係話,永遠唔會離開個竇」。

李力持形容香港「豆腐膶咁大」,反問:「天大地大你做咩喺度啫?你就算搵個Google Earth個地球zoom埋去香港,你都要zoom成5秒6秒7秒8秒先zoom到佢。」他又批評社會上有人濫用「香港人」說法,認為他們主張本土優先,令社會不能容納新移民、簡體字和普通話。

李力持強調世界很大,年輕一代應該多出外看看世界,「你話國家對你做過咩?(特首)梁振英對你做過咩?我可能睇得開啲,我只係多謝佢哋畀本特區護照我,令我可以呢度去嗰度去」。他續稱:「如果你喺機場問我係咩人,我會答:我係快樂地球人!」

李力持又不認同「生於亂世」的說法,表示自己看不見社會民不聊生,反而引述一些居住在廣西的外國人為例,「你點解會離開家園,嚟到呢個共產黨管治嘅地方?佢哋話,因為喺呢度搵到快樂喎!有冇搞錯,冇可能,共產黨喎?但又真架喎,只要你攞張回鄉咭返內地睇睇,又唔覺得四處愁雲慘霧吖」。

【「捱眼瞓」都要撐足全場】曾俊華亦提到為何以李斯特城形容香港,原來係……http://bit.ly/22E0oqI【李波事件】譚允芝點出事件疑點 指「答案唔知邊度嚟」http://bit.ly/1oe4EdH【何應欽序批「朱毛匪」 ...

Posted by 明報即時新聞 on Saturday, March 26, 2016

相關字詞﹕編輯推介 本土 李力持

上 / 下一篇新聞