港聞

【Emily Online】CY fb貼足球相 和富大埔秘書長轟抽水:潤我哋,對業界黎講係恥辱 (20:30)

港足今日凌晨喺世界盃亞洲區外圍賽次圈最後一戰,作客卡塔爾0:2飲恨,無緣出線第3圈。特首梁振英凌晨2點幾出post,話自己喺博鰲亞洲論壇開完會之後,已經冇晒航班返香港,最終深圳轉機返到禮賓府只係夠睇賽事最後8分鐘。佢話港隊最後輸0:2,可以話係雖敗猶榮,仲影咗個足球話係當年喺港隊籌款晚宴拍賣得來。

相關新聞:卡塔爾睇港足輸波落淚 男童受訪撐港足

足球上面有本地球隊和富大埔嘅簽名,秘書長陳平同Emily確認個波的確來自佢哋球隊,喺一次拍賣會上由仲未係特首嘅梁振英投到。不過佢話事隔太耐,唔記得成交價係幾多,只係話肯定過萬蚊,而收益亦撥作球隊營運費。不過,陳平同Emily抱怨,話政府一直都無心推動足球發展,地區足球缺乏資源,生存空間更愈來愈細,「高官淨係識得影相抽水,究竟有幾多真係撐」。他說和富大埔近年已連續兩次降班,批評梁振英post足球相係「潤我哋,對業界黎講係恥辱」。

陳平話,好似和富大埔嘅地區隊要在超級聯賽保持競爭力,就要花一定嘅錢請外援同訓練,每年最少用500萬,但現在政府嘅支援只有百多萬,令佢地非常困難,「搲到血到出埋」先維持到。佢話,作為球隊梗係想進步,但因為無錢,寧願唔升班,係破壞足球制度,令佢地喺尷尬處境,「政府以為和富足球係地區足球嘅成功,但可能最後要執笠」。

其他報道:教協:沒陸鴻基頂住壓力或沒有今天香港教育大學

上水賊涉偷6罐奶粉 藥房否認圍綁掛牌示眾

【有片睇:網民質疑係私刑?】警方指有藥房職員報案指有人偷貨。短片+詳情:http://bit.ly/1VMvO97【上水綁賊】法庭未定罪不能行私刑 大律師:綁人者或涉非法禁錮http://bit.ly/1XS6Jbr【短片:...

Posted by 明報即時新聞 on 2016年3月25日

相關字詞﹕編輯推介 港足 球迷 和富大埔

上 / 下一篇新聞