港聞

【短片:Emily Online】長毛60大壽 好友製作新書紀錄廿年抗爭 曾主席披露寫詩往還 (16:56)

社民連立法會議員梁國雄(長毛)嚟緊星期日就60歲大壽,成班好友為咗賀佢大壽,竟然用超過一年時間,秘密準備《我反抗故我在》一書。新書有成班政界人士幫佢寫,好似序言就由公民黨余若薇、自由黨田北俊負責,仲搵咗立法會主席曾鈺成等人做訪問添!

今日社民連成班兄弟姐妹就為長毛搞咗個神秘生日會,將本書包起送畀佢,話係「20年佳釀」喎,長毛本身仲以為係白蘭地,拆開發現係本書時都呆一呆,淨係識係咁講「多謝多謝多謝」。佢話都覺得個神秘派對幾驚喜,「係surprise(驚喜),無理由公眾假期約我返嚟」。

呢本《我反抗故我在》紀錄長毛20年抗爭史,當中當然有唔少秘聞,例如曾鈺成向來同長毛好friend,原來佢地私下溝通仲會互相作詩應對、討論時事。好似佔領期間,長毛就寫詩畀曾鈺成話:「佔領本無奈,公投亦非常,本來無奢望,何必強退場」;曾主席之後就又以詩回覆:「佔領本難耐,公投豈尋常,果然無奢望,何不早退場」。

對於本書,長毛覺得如果喺兩年前出,佢受之無愧,但始終覺得佔領運動冇做好準備,而家受唔起喎。《我反抗故我在》將會喺5月正式出版,總共出書1000本,簡介話會展現一個只喺法庭上出現嘅長毛,「你從不認識的梁國雄」。有興趣嘅朋友到時可以留意吓,睇下長毛同鈺成兄點樣吟詩作對啦。

【後會有期】粉絲留言話:「多謝宇宙船帶給我的歡樂,後會有期」。報道:http://bit.ly/1MFPhky【短片:中大生拍片玩估領袖 籲低頭族食飯時「望住我」多溝通】http://bit.ly/1PutlIV【陳肇麒諷梁振英:八...

Posted by 明報即時新聞 on Friday, 25 March 2016

相關字詞﹕梁國雄 曾鈺成 編輯推介

上 / 下一篇新聞