港聞

【Emily online】讚好惡搞蔣麗芸fb專頁 陳恒鑌稱同事所作 了解外面人看法 (16:35)

現在無論官員、議員都會開個facebook同市民溝通。Emily發現,民建聯立法會議員陳恒鑌fb帳戶,讚好咗惡搞佢黨友蔣麗芸嘅「蔣麗芸議員,我建議呢你考慮少啲講冇乜用既說話」專頁,唔通係一種「表態」?陳恒鑌同Emily解釋,應該係同事讚好咗,話佢哋都需要了解外面嘅人嘅睇法,唔駛出奇。

其他報道:曾俊華指《基本法》有效期「去到永遠」

其他報道:【短片:古洞強拆】村民要求原址重建家園被拒

陳恒鑌又話,除咗呢個專頁,同事平時都會like唔同專頁,聽吓出面嘅人嘅睇法,好似like本土民主前線fb咁,「唔通又代表支持佢哋咩?」

「蔣麗芸議員,我建議呢你考慮少啲講冇乜用既說話」嘅專頁名,來自立法會主席曾鈺成喺立法會大會上嘅說話。呢個專頁有617人like,簡介寫有「本專頁全力追蹤蔣家大小姐在立法會飽受凌辱的慘況」,最後更新係上年7月。

【強拆了,但不能重建……】林卓廷指批評,政策變相鼓勵地主以「中國式強拆」解決土地糾紛,強行收地……http://bit.ly/1S5bEBI【紐漢威脅向輸華嬰兒奶粉投毒囚8年半】http://bit.ly/1RfuXMi【圍堵校董 嶺...

Posted by 明報即時新聞 on 2016年3月22日

相關字詞﹕編輯推介

上 / 下一篇新聞