港聞

【Emily Online】港男為追女神戒煙 跑步除心癮戒惡習 得女友兼贏澳洲旅遊套票 (21:29)

每個人戒煙嘅原因都唔同,有人為咗健康、有人就因咗家人,有港男因為女朋友而決定戒煙,結果唔單祇成功戒除惡習,仲贏埋比賽,獲得去澳洲嘅旅遊套票。

香港吸煙與健康委員會今日舉行第6屆「戒煙大贏家」無煙社區計劃頒獎禮,冠軍由30歲嘅黃偉健奪得,佢14歲時受朋友影響首次食煙,「當時都係『埋堆』心態,覺得可以容易啲相處」,其後越食越多,每日至少要食半包。

煙齡10多年,點解無端端去戒煙呢?黃偉健坦言係為拍拖兩年嘅女朋友,原來佢女朋友好唔鐘意人食煙,更曾講過「冇人會為咗自己去戒煙」,黃偉健聽完之後決定戒煙哄女朋友開心,最終用咗3個月就戒煙成功,佢仲分享戒煙絕招,就喺每日都去跑步,分散注意力,解除心癮。

掌握最新消息,請Like「明報即時新聞」fb專頁! http://www.facebook.com/mingpaoinews

【R.I.P.】警方正調查撞船原因......報道: http://bit.ly/21z1nTe【不明氣體】大角嘴氣體泄漏為「四氫噻吩」 稱對人體無害 屬第5類危險品 http://bit.ly/21z1G0r【多圖:不明氣體】消防...

Posted by 明報即時新聞 on Friday, March 18, 2016

相關字詞﹕戒煙

上 / 下一篇新聞