港聞

【Emily Online之平機會易帥】周一嶽離任後抖一抖唱吓歌 續為性傾向歧視發聲 (19:18)

平機會主席周一嶽任內非常關注性傾向歧視問題,之前喺政府展開公開招聘之後,仲透露過有申請續任,不過最終都無得留低。周一嶽今日透露,離任之後自己會抖一抖先,做啲之前做唔到嘅野,包括自己鐘意「唱吓歌」。

至於離任後會唔會出任公職,佢話「我無打算做任何嘅嘢,有啲人已經搵我做嘢架啦,咁但係我就覺得應該要抖一抖先啦,亦都會比較選擇性揀需要做嘅嘢啦」,咁即係做咩?佢話自己鐘意解決難題。

社會一直好關注性傾向歧視情況,周一嶽就話,唔係唔做主席就唔關心,仲話做主席之後「可能更加自由發聲」。佢仲以《祝福》贈同事,希望佢地守住原則,為反歧視平權努力。

Emily好奇周一嶽點睇過去3年任期,周一嶽笑笑口話,「我未有時間回望住」,因為月底仲要發表歧視法例檢討嘅重報告。

掌握最新消息,請Like「明報即時新聞」fb專頁!http://www.facebook.com/mingpaoinews

【源頭已找到】http://bit.ly/21yQelv【增至74師生不適送院 紅十字會海庭道捐血站暫停服務】http://bit.ly/1PfBdOe【警方消防至今收8宗報案】http://bit.ly/1R7DzRn【大...

Posted by 明報即時新聞 on Friday, 18 March 2016

相關字詞﹕周一嶽 平機會 性傾向設視

上 / 下一篇新聞