港聞

【Emily Online】網傳iProA會籍1折吸會員 註明可變選民 會長澄清2折先真 (22:41)

立法會選民登記5月2號結束,有網民噚日上載朋友參加香港電商協會(ECAHK)嘅年度研討會相片,話參加者可以用50元優惠價加入互聯網專業協會(iProA)做會員,相片寫明會籍原價500元,下方仲有個「備註」,話合資格人士可以5月2號前,登記做立法會資訊科技界功能界別選民,有網民質疑做法等同「種票」。

Emily問過互聯網專業協會會長洪為民,佢話歷年至少同5至6個業界組織搞呢類會員推薦計劃,參加者可優先報名協會活動。佢又澄清,依家入會價為1年250元,所以推薦計劃50蚊入會,會費優惠實情係2折。

佢又強調會逐個申請人審核,又話審核嗰陣唔會問對方會唔會登記做選民,會員亦要有一定工作經驗同學歷,先可以登記為IT界選民。

Emily都搵過電商協會會長李基銓同副會長楊文銳,他表示電商協會係新成立嘅會,參與iProA嘅會員推薦計劃都係想擴闊自己會員嘅業界圈子。但點睇惹來種票質疑?李基銓就話,只係想增加業界嘅選民聲音,鼓勵業界要盡公民責任。

掌握最新消息,請Like「明報即時新聞」fb專頁! http://www.facebook.com/mingpaoinews

【再見亦見Partner!?】報道:http://bit.ly/1R0INR2【短片:電話騙案】方保僑接聲稱入境處來電 普通話接線生:你幹嘛打來我們客服中心? http://bit.ly/1pNGOqC#明報 #明報即時新聞...

Posted by 明報即時新聞 on Thursday, March 17, 2016

上 / 下一篇新聞