港聞

下一篇
上一篇

【短片:Emily Online】建造業集會 王國興站台發言3分鐘指泛民「收黑金」 主持打斷:我哋今日係講社會民生議題 (20:03)

建造業大聯盟今日下午喺立法會外舉行集會,反對議員拉布。工聯會立法會議員王國興為工人站台,指泛民「收黑金,犧牲我哋,大家話係唔係?」卻被主持人打斷:「好抱歉,如果有其他政治方面,麻煩一陣再同傳媒講。」

Emily喺現場睇,其實王國興原本都好帶動到氣氛,一開場先高呼:「各位,立法會現在嘅情况係垃圾都不如,係唔係?」台下當時好多工人都和應:「係!」現場氣氛不知幾好。

但講咗約1分鐘之後就出事喇,王國興當時話:「我哋按議事規則審議,佢就話我哋係保皇黨,係議會暴力;各位,其實香港無皇,我哋係保民黨,係唔係?(係!)我哋就係為咗保大家嘅飯碗,我哋就係為咗保大家嘅利益,所以立法會我用最重嘅語言指責佢哋(泛民),係出賣工人利益,係出賣港人利益,佢哋收黑金,犧牲我哋,大家話係唔係?」

講到呢句,主持人忍唔住插咀:「唔好意思,王議員,好多謝你嚟同我哋站台,不過我想抱歉講一句,我哋今日係講社會民生議題,好抱歉,如果有其他政治方面,麻煩一陣再同傳媒講。」王國興就豪氣萬丈,繼續揸住支咪大叫:「無問題!」雖然王國興「發言」3分鐘就無得講,不過佢仍然帶領大家叫口號打圓場。

【人定勝「腦」】 //我總覺得如果李世石對抗電腦時仍是一貫以來的李世石棋風,在CPU之前再次敗陣不足為奇。如前所說,李世石棋路早在電腦計算之中,然則當李世石不以自己所長棋路出手,會否也是電腦計算之內,這是一個大大的問號,也是對人工智能的挑戰...

Posted by 明報即時新聞 on 2016年3月13日

上 / 下一篇新聞