港聞

【Emily Online】「向性騷擾說不」加禁logo惹網民質疑 葛珮帆:可能表達得唔夠好 (20:15)

有見職場性騷擾受害者求助無門,民建聯葛珮帆(EQ)噚日舉辦咗個記者會,要求政府加強保護受害者。不過,EQ喺記者會上舉起一塊宣傳口號紙牌,上面寫住「向性騷擾說不」,但個「不」字畀代表禁止嘅符號、即係紅色圓圈加一斜劃覆蓋,就被網民批評意思唔清晰,究竟係「說不」,定係向「說不」說不呢?

EQ就同Emily解釋,話呢個設計係想強調「向性騷擾說不」呢個信息,但可能表達得唔夠好,雖然網民「捉字蝨」,但都歡迎佢哋提供意見,等自己下次可以參考咁話。今次見到網民討論個記者會,EQ就話希望佢哋都可以了解埋防止性騷擾嘅重要。

佢補充,唔少職場性騷擾受害者都羞於啟齒,而即使肯出聲,亦都只有好少渠道,例如用民事條例告騷擾者,或者向平機會投訴。佢話,希望政府可以檢討相關法例,更加希望僱主有保護僱員嘅意識,等受害者唔駛再啞忍。

掌握最新消息,請Like「明報即時新聞」fb專頁! http://www.facebook.com/mingpaoinews

【迪士尼CEO辭職】金民豪較早前曾強調,香港迪士尼面對各項挑戰要對自己有信心,並會發展全球獨有的景點鞏固競爭力。報道:http://bit.ly/1RwkF6j#明報 #明報即時新聞...

Posted by 明報即時新聞 on Monday, March 7, 2016

相關字詞﹕熱話 性騷擾

上 / 下一篇新聞