港聞

【Emily Online:亞視停播倒數】警隊也怕亞視熄機 「警訊永恒」版放fb (21:30)

亞視究竟幾時熄機?或者最終會唔會熄機?Emily同埋好多行家都覺得好頭痕,但原來警隊呢幾日都有睇實亞視幾時熄機,皆因亞視係咪永恆,原來對警隊都有影響。

無他,原來因為《警訊》近期編排左喺亞視播放,例如原定今晚7點播放嗰集,就係講打擊清洗黑錢。Emily聽聞,警隊中人下午唔知亞記會唔會熄機,決定喺大約6點,以【警訊永恒】呢個tag,將新一集《警訊》放咗喺警隊facebook出街,以便巿民可以睇到。最終,亞視6點無熄機,呢集警訊係7點順利喺免費電視台播出。

其實,《警訊》定時喺無綫及亞視播放,每個電視台播完10幾集,就會放喺另一個台續播,呢期湊巧喺亞視播放,熄唔熄機梗係好大影響啦。今集出到街,而剩低喺亞視播嘅《警訊》又點算?Emily聽講警方都係好似普羅巿民咁,觀望多陣再處理,因為亞視幾時「真‧熄機」,呢一刻仲係猜唔透。

掌握最新消息,請Like「明報即時新聞」fb專頁!http://www.facebook.com/mingpaoinews

【晒你冷!】見唔見到穿崩位呀?報道: http://bit.ly/1SnhJ0E【短片:亞視記者會即場開箱展示金牛】http://bit.ly/1VUtF93【短片:亞視停播倒數】接通訊局停播通知 何子慧:我哋人喺度,錢喺度...

明報即時新聞貼上了 2016年3月4日

相關字詞﹕亞視停播倒數 警察

上 / 下一篇新聞