港聞

【多圖:Emily Online】當選「岳少」紅磡天橋謝票 女粉絲排隊等自拍 (23:45)

「岳少」有幾受歡迎?睇下條人龍就知!啱啱喺立法會新界東補選當選嘅楊岳橋,今日傍晚6點半左右,去咗紅磡火車站理工大學橋向選民謝票。

現場係唔少新界東選民必經之路,適逢放工時間,Emily喺接近7點到達現場,見到大約有幾十人簇擁住岳少,條人龍仲令到天橋出現少少「塞人」情況添。

岳少官仔骨骨,外表舉止一直都受到唔少女士歡迎。而今日出現嘅粉絲當中,Emily都見到都係女性居多,好多人都期待同佢握下手、簽下名,當然更唔少得要同佢自拍一番啦。岳少都好識做,自動拎住粉絲嘅手機「高炒」影相,點影都唔會有雙下爬。

Emily見岳少雖然要同唔同粉絲自拍N咁多次,但佢招牌露齒笑容仍然無欺場,搞到Emily都差啲想排隊去同佢留倩影呢!

掌握最新消息,請Like「明報即時新聞」fb專頁! http://www.facebook.com/mingpaoinews

【信不信由你】當日現場直擊周流淚一刻的梁天琦,聽到對方重提事件時仍忍俊不禁......報道: http://bit.ly/1QnN3rx【短片:Emily Online】余若薇:唔知係咪(楊岳橋)有「橋」字,善於溝通 ...

Posted by 明報即時新聞 on Monday, February 29, 2016

相關字詞﹕編輯推介 新界東補選 楊岳橋

上 / 下一篇新聞

相關新聞