港聞

【Emily Online之新東補選】西裝骨骨點抗爭?貪靚岳少:我啲西裝都係cheap嘢,唔妨礙工作 (10:27)

公民黨楊岳橋以1萬多票力壓對手民建聯周浩鼎,係出立法會新界東補選中勝出,佢噚日全天游走拉票,自言「貪靚」嘅佢堅持打呔、着皮鞋,不絲不苟,被問到佢咁嘅行頭,會唔會影響日後係立法會嘅抗爭行動,佢就笑住話,自己啲西裝都係cheap嘢嚟,唔妨礙工作嘅。

楊岳橋成晚冇瞓等開票結果,清晨有咗結果,今朝又連環接受電台訪問。佢喺商台訪問中被問到日後會唔會衝主席台,佢就話,呢個唔係佢一個人嘅問題,就好似上個禮拜六財委會傾高鐵香港段追加撥款申請,各個民主派合作攻守兼備,唔再單打獨鬥,佢願意成為團隊一分子。

主持人陳志雲問到「貪靚」嘅佢成日西裝骨骨,會唔會唔方便衝擊行動架?楊岳橋笑住話,真係冇諗過呢個問題,但「我嘅西裝都唔係好貴,都係cheap嘢嚟,唔妨礙我嘅工作嘅」。一眾「岳少」粉絲聽到佢咁講,應該放心啦,抗爭同西裝係唔衝突嘅,咁大家可以拭目以待啦。

掌握最新消息,請Like「明報即時新聞」fb專頁!http://www.facebook.com/mingpaoinews

【險勝之後】梁天琦指以後將成為泛民建制和本土三足鼎立之局,楊岳橋認為泛民和本土的共同敵人都是梁振英政府,雖然各有主張和底線,但仍可嘗試合作。報道:http://bit.ly/1LoN7dy【周浩鼎:相信大家認同「行正路」理念 投票予楊梁...

Posted by 明報即時新聞 on 2016年2月28日

相關字詞﹕編輯推介 新界東補選

上 / 下一篇新聞