港聞

【Emily Online】結婚撞正新東補選 民主黨區諾軒拉埋老婆趕投票 (20:19)

民主黨南區區議員區諾軒,結婚撞正新界東立法會補選,晚上喺中文大學擺酒,趁住下午有空檔,仲帶埋新婚老婆齊齊趕去投票。

區諾軒喺facebook話,同老婆Jolie婚前分別居住在將軍澳和沙田,都係新東選民,當日揀場地擺酒前,無諗過會結婚日會成為補選日,亦成為咗佢婚禮嘅小點綴,正因揀咗喺中大擺酒,先可以抽空投票,「恰巧讓我們有機會,行使最後一次作為新界東選民的投票權利。」

區諾軒仲話,因為今次補選係重要嘅路線抉擇,不但影響未來幾個月立法會形勢,仲係9月立法會嘅前哨戰,所以即使婚禮好忙,都要盡公民義務,佢講明自己撐‎楊岳橋‬,呼籲未投票嘅人快啲投票。

註:立法會新界東補選候選人包括報稱沒有政治聯繫的劉志成、新思維黃成智、民建聯周浩鼎、獨立的梁思豪、西貢區議員方國珊、本土民主前線梁天琦及公民黨楊岳橋。

掌握最新消息,請Like「明報即時新聞」fb專頁! http://www.facebook.com/mingpaoinews

【而我不知道...】民建聯支持者問誰是周浩鼎,「點解要選佢,佢為呢個區做過咩事?」有片睇:http://bit.ly/21s5RAp(註:立法會新界東補選候選人包括劉志成、黃成智、周浩鼎、梁思豪、方國珊、梁天琦及楊岳橋。)【短片】...

Posted by 明報即時新聞 on Sunday, February 28, 2016

相關字詞﹕新界東補選

上 / 下一篇新聞