港聞

下一篇
上一篇

【Emily Online】着皮草搭港鐵被拍上網 黃夏蕙即致歉:亡夫所送下次唔着 (17:44)

近年唔少環保團體及動物組織大肆宣傳,愈來愈多人加入拒穿皮草行列,新民黨主席葉劉淑儀早前著紅色皮草大褸現身立法會惹來劣評後,表明有意參選立法會選舉的演員黃夏蕙,今日亦被「野生捕獲」,但對方唔係同佢合照,而係批評著咗皮草嘅佢,係披住「動物屍體」。

一名網民今日搭港鐵返粉嶺時,偶遇黃夏蕙仲坐正隔籬,不過佢對黃夏蕙嘅衣著就似乎好不滿,除咗影相放上網外,更形容自己「跟動物屍體一起坐」。

黃夏蕙知道有關照片傳開後,即時喺facebook回應事件,更點名嗰個網民致歉:「妹妹,唔好傷心啦,件衫40年前亡夫胡生買俾我嫁,嗰陣都唔知道有環保,至多下次唔著啦。」

近年不少網絡上嘅「關公災難」(即公關災難),都源於當事人死撐唔認錯,早獲網民歡心、被稱為「夏蕙BB」嘅黃夏蕙即時耍冧嘅舉動,亦大獲好評,有人大讚佢美貌與智慧並重,戲稱係「關公顯靈,CY學嘢啦」,又有人話夏蕙BB一向關心流浪貓,重申佢唔係漠視動物生命嘅冷血之徒,更多人表示因為呢件事,更支持黃夏蕙參選立法會選舉。

掌握最新消息,請Like「明報即時新聞」fb專頁! http://www.facebook.com/mingpaoinews

【嗌咪變倒米?】黃毓民其後都笑自己「嗌咪嗌到失常」。睇片+報道: http://bit.ly/21rM5F6(註:立法會新界東補選候選人包括劉志成、黃成智、周浩鼎、梁思豪、方國珊、梁天琦及楊岳橋。)【「火爆姐」開fb專頁再數香港慘況:...

Posted by 明報即時新聞 on Sunday, February 28, 2016

相關字詞﹕編輯推介 皮草

上 / 下一篇新聞