港聞

【短片:新東補選】與梁天琦短兵相接 黃成智:唔係我哋努力爭取,你有鬼大學讀? (17:52)

立法會新界東補選今日進行投票,各候選人四出拉票,本土民主前線梁天琦及其助選團下午經過粉嶺蓬瀛仙館附近時,遇上正在擺街站拉票的新思維黃成智。

約十多名梁天琦的助選團在路上一直高呼「投6號」,而梁天琦見到黃成智時高呼:「佢(黃成智)一開始就告急啦!所謂最多人支持的中間路線,由頭到尾都告急!」黃成智未有反駁,請在場記者讓路後避走。

不過,雙方最終在不遠處碰頭,梁天琦主動與黃成智辯論。二人先握手,梁馬上問黃:「做咩咁快告急呀?」黃表示是「為香港告急」,梁反稱對方一直稱中間路線代表香港主流民意,但卻一早告急;黃成智說香港「已經好告急」,是因為有梁天琦一類用暴力的人。

梁天琦質疑對方從政30多年來「又傾又砌」,「到今時今日重可以話自己係新思維」。黃成智反問梁:「你除咗暴力攻擊香港你為香港民主做過啲乜呀?你除咗佔中搞到香港一鑊泡之外,你做過啲咩?」又斥梁「用暴力唔係民主理念」,並指自己多年來為民主做了很多工作,不過未有具體舉例。

梁則指黃「乜都無付出過」,雙方自說自話,梁準備離開道「拜拜啦中間超人」。不過黃成智高呼:「喂!你唔好走住!」續追問梁「為香港民主做過啲乜」,梁回應「自己睇新聞啦」。

梁天琦其後繼續質疑對方重複80年代的說話,「香港有進步過咩?」。黃成智則大聲質問就讀港大文學院五年級的梁天琦:「你今日有大學讀呀,唔係我哋努力爭取返嚟,你有鬼大學讀?」梁即反駁:「香港大學1912年成立,你嗰時出世未呀?」並再拋下一句「拜拜,中間超人」後離開。

黃成智追上要對方講為香港民主做過什麼,梁的助選團即起哄高呼:「重唔夠瘀咩?走啦中間超人!」

梁天琦與助選團離開後,黃成智向記者稱,約30年前入要大學是辛苦,續批評「呢班後生仔入大學後唔珍惜自己嘅香港同自己,用暴力攻擊唔同嘅人,不能接受」。

註:立法會新界東補選候選人包括報稱沒有政治聯繫的劉志成、新思維黃成智、民建聯周浩鼎、獨立的梁思豪、西貢區議員方國珊、本土民主前線梁天琦及公民黨楊岳橋。

掌握最新消息,請Like「明報即時新聞」fb專頁! http://www.facebook.com/mingpaoinews

【嗌咪變倒米?】黃毓民其後都笑自己「嗌咪嗌到失常」。睇片+報道: http://bit.ly/21rM5F6(註:立法會新界東補選候選人包括劉志成、黃成智、周浩鼎、梁思豪、方國珊、梁天琦及楊岳橋。)【「火爆姐」開fb專頁再數香港慘況:...

明報即時新聞貼上了 2016年2月28日

相關字詞﹕新界東補選

上 / 下一篇新聞