港聞

【短片:Emily Online之新東補選】周浩鼎接受訪問要等埋主席 李慧琼站台變搶答 (17:14)

立法會新界東補選今早7時半起開始投票,候選人之一、民建聯周浩鼎下午拉票時見記者,點知傾到一半,後面竟然有人話「要等埋主席」,莫非又要等發叔?原來係要等埋民建聯主席李慧琼一齊接受訪問。

當等到李慧琼到場之後,周浩鼎終於可以慢慢答問題。豈料佢只答咗1分鐘,主席就突然搶答,話自己今朝7點喺沙田為周浩鼎站台時,受到其他助選團滋擾,甚至懷疑有人跟蹤自己。當有記者問周浩鼎點解唔公開行程,係咪擔心受到狙擊時,李慧琼又突然搶答為周浩鼎解畫,而周浩鼎就不停在呼籲市民要「行正路」,出嚟投票。

最後終於有記者頂唔順,要求周浩鼎自己答問題,李慧琼先企埋一邊,靜靜哋望住周浩鼎接受訪問。

掌握最新消息,請Like「明報即時新聞」fb專頁!http://www.facebook.com/mingpaoinews

【嗌咪變倒米?】黃毓民其後都笑自己「嗌咪嗌到失常」。睇片+報道: http://bit.ly/21rM5F6(註:立法會新界東補選候選人包括劉志成、黃成智、周浩鼎、梁思豪、方國珊、梁天琦及楊岳橋。)【「火爆姐」開fb專頁再數香港慘況:...

Posted by 明報即時新聞 on Sunday, February 28, 2016

相關字詞﹕新界東補選

上 / 下一篇新聞