港聞

【Emily Online之新東補選】周浩鼎選區「新界東」變「新果東」 競選團隊認錯致歉 (16:11)

立法會新界東補選後日(26日)就舉行啦,有眼利網民發現,候選人之一、民建聯周浩鼎(Holden)嘅宣傳單張竟然將「新界東」寫咗做「新果東」,網民仲講笑問:「新果東係咪響油麻地果欄隔離?」周浩鼎嘅選舉團隊同Emily講,話係「手民之誤」,要向選民致歉喎。

學民思潮成員黎汶洛今日下晝喺FB發帖,話收到朋友send嚟嘅相,發現周浩鼎宣傳單張將選區「新界東」寫錯咗做「新果東」,仲抽水話佢自創全港第六個選區,可能會自動當選咁話喎!唔少網民都話笑到收唔到聲,仲問佢其實係咪選緊「新果凍」區!

Emily打咗俾Holden嘅競選團隊,佢哋冇話「俾人hack咗」,反而大方承認印錯字,話呢批係沙田區民建聯支部印製嘅單張,因為 「手民之誤」搞錯咗,但已經派晒出去收唔返啦,唯有向選民Say Sorry啦。

除咗周浩鼎,新界東立法會補選候選人仲有劉志成、黃成智、梁思豪、方國珊、梁天琦、楊岳橋。

掌握最新消息,請Like「明報即時新聞」fb專頁!http://www.facebook.com/mingpaoinews

【有片有真相】罪就脫了,但胡椒已硬食。報道:http://bit.ly/1QjjLub【學生重奪公民廣場涉襲高級督察 辯方質疑參考同僚口供杜撰供辭】 http://bit.ly/1Qjkc7K【翠湖天價圍標案】押至6月判刑 認罪判頭...

Posted by 明報即時新聞 on Thursday, 25 February 2016

相關字詞﹕新界東補選 民建聯 編輯推介

上 / 下一篇新聞