港聞

【短片:退休保障】公聽會斥官員衰過做賊 霸氣女:呢個世界有報應 (16:51)

立法會福利事務委員會昨討論「現行社會保障與退休保障關係」,邀請市民及團體發言。有市民批評,勞工及福利局長張建宗「冷血涼薄」,不懂民間疾苦,又質疑政府推出多項「大白象」工程,卻不願花錢於退休保障上,強調「呢個世界有一樣嘢叫做報應」。

市民關穎怡發言時,提到月入約30萬元的張建宗,日前指「月入萬六算唔錯」一事,「張建宗局長呢啲30幾萬一個月(薪金)嘅,梗係唔知民間疾苦啦,否則都唔會講得出一個月搵萬6蚊已經好好呢啲冷血、涼薄嘅言論囉」。

至於政府多次強調「不論貧富」的退休保障方案,會導致政府財赤更早出現,關穎怡直言「聽到真係忍唔住笑」,舉例港珠澳大橋、高鐵、及蓮塘/香園圍口岸等工程超支,「啲(大白象)工程幾千億幾千億都唔嫌多,你用喺民生一蚊都嫌多?你同我講赤字?難聽啲講句,你哋呢班狗官仲衰過做賊囉!」

她最後提醒,特首梁振英及一眾高官議員等,「呢個世界有一樣嘢叫做報應。呢一刻我可能吹你唔脹,但係世世代代嘅香港人,都會放長雙眼睇下你哋點折墮囉!」

身兼扶貧委員會主席的林鄭月娥多次表明,政府對「不論貧富」退休保障方案有保留,指政府一向將有限資源放在有經濟需要的人,但「不論貧富」方案與政府一貫做法背道而馳,更對公共財政可持續性影響深遠,令結構性財赤提早6年出現,屆時或須加稅,引入新稅種解決財赤。政府原先預計,將於2029/2030年出現財赤。

工程方面,港珠澳大橋、高鐵、及蓮塘/香園圍口岸工程超支下,總造價已花逾2000億元,其中港珠澳大橋多次申請撥款,暫花1178億元公帑建造;高鐵造價增至844.2億元,正向立法會財委會申請近200億元追加撥款;口岸工程費用則增加至354億元。

掌握最新消息,請Like「明報即時新聞」fb專頁! http://www.facebook.com/mingpaoinews

【功勞呢樣嘢】都話有時係忍唔住笑ge……報道:http://bit.ly/1Qd9WB9【小西灣食水管爆裂 交通未有受阻】http://bit.ly/1KFLCb3【J5台用簡體字 無綫:既是普通話新聞 簡體字有什麼問題?】...

Posted by 明報即時新聞 on Monday, February 22, 2016

相關字詞﹕編輯推介 退休保障

上 / 下一篇新聞