港聞

【Emily Online】黯然銷魂飯走到現實但訂滿 歐錦棠歎「食完冇得番尋味,為之黯然」 (17:19)

周星馳今年嘅賀歲片收個滿堂紅,證明寶刀未老,其實星爺嘅舊戲更深得港人歡心,其中喺《食神》中星爺最後創出「黯然銷魂飯」嘅一幕已成經典。黯然銷魂飯,查實就係叉燒煎蛋飯,演員歐錦棠當年飾演食神大賽司儀,見證這道菜誕生,事隔20年歐錦棠竟有緣嘗到現實中最近似嘅味道。

歐錦棠日前出席六國酒店舉行嘅黯然銷魂飯試食大會,大爆六國酒店陳老闆睇過《食神》後,喺全港食遍叉蛋飯都只換來一肚氣,決定苦心鑽研,「猶如武林高手上山求藝,窮三年光陰,耗無數精力,嘗百款食材,終於成功將子虛烏有的『黯然銷魂飯』付諸實行」。

歐錦棠拆解呢碗最符原著神髓嘅黯然銷魂飯用料講究:米,全係泰國純香米,要專人空運進口,絕非已溝雜行貨;雞蛋,選用日本貨;最主打嘅叉燒,就嚴選鮮肉梅頭,以一隻豬的梅頭只可製兩條叉燒嚟講,來貨矜貴。

歐錦棠話,喺試食大會等咗半個鐘左右,黯然銷魂飯就上桌啦;阿棠大讚飯夠乾身,更忠於原著以紫洋葱細碎混和飯內,不著痕迹,極為高招;至於煎蛋蛋邊略煎香捲邊脆口,蛋黃一戮穿,同熱飯混和,香氣四溢;而約長6吋嘅叉燒中的脂肪層,受火後融和番燒嘅麥芽糖,帶有煙韌口感又香甜濃郁,令人回味。

呢碗由電影中走到現實嘅黯然銷魂飯,歐錦棠指索價98元一碗都仲要蝕本,最重要係合共4星期嘅限量訂購,已全部額滿,「食完冇得番尋味,為之黯然」。

掌握最新消息,請Like「明報即時新聞」fb專頁! http://www.facebook.com/mingpaoinews

【同鼎check下】嗯...這位候選人好識運用資訊科技...報道:http://bit.ly/1PJvFPM【黃成智質疑梁天琦「抗爭無底線」論:ISIS都無底線】http://bit.ly/1KYvgdp【周浩鼎楊岳橋針鋒相對 周...

Posted by 明報即時新聞 on Thursday, February 18, 2016

相關字詞﹕編輯推介

上 / 下一篇新聞