港聞

【新東補選】周浩鼎楊岳橋針鋒相對 周:公民黨偽善 楊:民建聯次次都擦鞋幫政府 (10:19)

港台今早舉行立法會新界東補選論壇,民建聯周浩鼎、公民黨楊岳橋不斷針鋒相對、攻擊對方所屬政黨。周浩鼎多次批評公民黨「偽善」、「支持外傭」,楊岳橋則反斥民建聯立場模棱兩可,「次次都擦鞋幫政府」。

補選論壇就旺角大衝突、全民退保、基建超支等議題讓候選人辯論。提及旺角大衝突時,周浩鼎指當時多名警察冒生命危險維持秩序,直斥「暴徒襲擊佢地(警察),咁樣公民黨都覺得冇問題,仲幫佢地甩身?」又批評公民黨偽善,斥「(公民黨)叫人上陣,自己就坐喺冷氣房」。

為部分被捕者提供法律支援的楊岳橋則反駁,指民建聯「開口埋口暴動,梁振英話係暴動,你地就跟住講,係跟車太貼」,又指法庭尚未裁決,民建聯便已將事件定性為暴動,「真正破壞法治就係你哋」。

至於全民退保,周浩鼎嘲諷公民黨曾助外傭打官司爭取居港權,「公民黨支持全民退保,一定支持外傭都有保障,可能想保障埋外傭」。楊則反擊稱,「呢啲咪民建聯水平,連全民退保(方案)都袋住先,然後就兜個彎抹黑你」。

雙方又就基建超支、教育問題舌劍唇槍。周浩鼎稱「工人開工就係靠基建」,若高鐵爛尾,7000名建築工人會「冇工開」;並指教育局應優化小三全港性系統評估(TSA),「唔係一刀切取消」。

楊岳橋則指民建聯「口口聲聲為工人為飯碗,點解港台新大樓一路卡住?.......做議員唔係做橡皮圖章,吓吓政府叫你撳掣就撳掣」,又指民建聯立場模糊,「之前(民建聯)又話TSA係好嘢,今日又話都有用嘅,次次都擦住鞋幫政府」。

新界東立法會補選候選人另包括劉志成、黃成智、梁思豪、方國珊。全部7位候選人均有出席今次論壇。

 

握最新消息,請Like「明報即時新聞」fb專頁!http://www.facebook.com/mingpaoinews

【歸根究柢】平叔認為,要避免旺角衝突再次發生的辦法,不是做到滿街警員,而是政府須理順民情,不要讓警方不斷應付主要是針對政府的政治性群眾事件。報道:http://bit.ly/1Qp8SG0【年初一旺角衝突 檢討裝備不做防暴訓練 消防斥掟樽...

Posted by 明報即時新聞 on Thursday, 18 February 2016

相關字詞﹕新界東補選 民建聯 公民黨 旺角暴力衝突 全民退保 編輯推介

上 / 下一篇新聞