港聞

【Emily Online】譚耀宗派香囊吊飾 網民針刺加道符 譚:搞埋啲咁嘅嘢! (16:54)

新一年新氣象,民建聯立法會議員譚耀宗今年就搞搞新意思,派香囊吊飾畀街坊,上面仲繡咗「民建聯立法會議員」、「譚耀宗」同辦事處電話。譚耀宗話,吊飾造型係件衫,代表豐衣足食,又話過年想送啲福氣畀大家,畀街坊當小飾物咁。

不過,有網民話個香囊造型好似針線包,「忍唔住,即刻用」,搵大頭針刺落個名度,仲加多道符。相片之後瘋傳,個個網民都話好想要,仲話想儲齊民建聯一set!

眼見咁多人都想用針刺落個名度,更有網民笑似「落降頭」,譚耀宗就話「搞埋啲咁嘅嘢,依家科學時代啦……做埋啲冇意思嘅嘢」。

掌握最新消息,請Like「明報即時新聞」fb專頁! http://www.facebook.com/mingpaoinews

【有意見但唔係不滿】「對外士氣」很高?咁「對內」呢?http://bit.ly/1QvxqOa【旺角衝突】林淳軒獲准保釋 控方指林曾籲示威者「衝擊警察」http://bit.ly/1Qvia3F【旺角暴力衝突】「武器」?環團警署外示...

Posted by 明報即時新聞 on Friday, 12 February 2016

相關字詞﹕趣聞 民建聯 編輯推介

上 / 下一篇新聞