港聞

【旺角暴力衝突】警界WhatsApp瘋傳 前線警羅列對管理層20項不滿 (02:17)

大年初二凌晨旺角爆發嚴重警民衝突,有指前線警員太少及裝備不足,釀成大量警員受傷,消息指事件惹起不少前線警員不滿。昨日警界WhatsApp群組內瘋傳,羅列對警隊管理層20大不滿項目,要求署方積極檢討。

警隊WhatsApp瘋傳20項不滿內容如下:

1. 在旺角當晚係邊個做指揮?

2. 佢有無接受過PTU訓練?

3. 點解唔使用相應嘅武力?

4. 在暴動的情況下點解唔使用IS Tactics?

5. 點解要前線同事用血肉之軀抵擋磚頭?

6. 究竟當時決定打定唔打?打: 就應使用相應武力;唔打:就應該立即撤退。

7. 磚頭係致命武器,點解唔開鎗去保護生命?

8. 新聞報導講:警員被暴徒追打!管理層作何感想。

9. 有咁多同事受傷,亦有些受重傷,管理層作何感想?

10. 防暴裝備同IS Tactics如果唔係用來對付暴徒,咁係咪只用來擺房和用來表演用?

11. 高層唔好再講強力譴責呢啲廢話,更加唔好講前線同事好克制,只會令同事越聽越慶()!!!

12.點解比暴徒猛掟磚頭,嗰啲高層依然叫同事企响度做人肉盾???究竟係乜很嘢戰術???如果要企,懇請所有高層同前線同事一齊企,比暴徒用磚掟,睇下邊個唔好彩比掟死!!!???

13. 掟磚頭係致命武器,高層是否同意???再有類似事件,前線必定會take covers同埋使用槍械去還擊,唔會再做人肉磚靶,因為已經受到生命威脅,高層是否同意???……定還是由得前線犧牲送死,因為前線生命係賤命,高層升級仲緊要過前線生命???

14. AR 15、布袋彈、橡膠彈、催淚煙、手榴催淚彈點解全部唔用???管理層只驚傳媒、市民點睇,就唔驚前線同事點睇!!!難道咁激烈嘅暴行都唔應該用上述武器???如果適用但無比指示叫前線用,很明顯不配做呢個階級,所有高層是否要責任承擔及徹查事件???會有咩罰則???

15. 前線同事冒生命危險去對抗暴徒,維護法紀,但CP嚮記招居然回應會徹查前線有否不恰當使用其他武器,知否已經傷透所有前線同事嘅心同士氣,很悲哀!!!警隊果然係一將功成萬骨Fu(枯)!!!

16. 如果所有武器同戰術都係唔用,只係擺房,可否罷免再去training,因為係嘥時間同多餘,警隊自從佔中燒催淚煙後已經有啲龜縮唔敢再用催淚煙!!!更枉論橡膠彈、布袋彈、AR15等等!!!

17. 今次事件係管理層作出錯誤決定,導致很多前線同事受傷(當中更有些無去醫院診治),是否同意???點同前線交代???經常講責任承擔,管理層有否勇氣承擔責任???點承擔???

18. 今次暴徒暴行,前線同事應該可以開100槍以上,同埋應該係遠距離作戰,點解仲要推前線同事去送死,用人肉擋磚???而家前線同事已經無士氣呢個係因果,亦好難修復,管理層點回應???

19. 請不要打算用讚賞去比受傷同事去覆蓋同事嘅不滿,前線同事係有尊嚴,不要當我們係傻仔!!!

20. 前線同事呢幾日嘅憤怒情緒係無停過!!!!!!

(編註: AR15 為遠距離射程步槍)

掌握最新消息,請Like「明報即時新聞」fb專頁! http://www.facebook.com/mingpaoinews

相關字詞﹕編輯推介 旺角暴力衝突

上 / 下一篇新聞