港聞

【短片:猴年到】猴B女零時零分出世 媽咪笑稱「墜手」 (11:51)

踏入大年初一,九龍塘浸會醫院一名女嬰於零時零分搶閘出世,成為猴年第一B女!B女順產出生,重2.95公斤,父母均是香港人,B女是父母的第一胎。

小猴女父親姓鄔,從事資訊科技工作,太太則從事人力資源文職。鄔太表示自己懷胎39周,預產期為本月12日,昨晚9時突穿羊水,10時半開始感到陣痛,至零時B女已順產出世。她指誕女後的感覺「好搞笑,尋日仲係個肚,依家已經出咗黎,B女好『墜』手,仲趕得切新年逗利市添」。

鄔生一直在產房陪伴太太,並以「陪埋佢睇大結局」比喻分娩過程。他又指當時太太一直緊握他的手,「感受到佢嘅痛」。太太順產後,他親自操刀剪臍帶,「幾緊張下,啲人話要剪幾次,好彩我都一次搞掂」。他多謝十月懷胎的太太,「佢都嘔咗幾個月,知道佢好辛苦,好多謝佢,同埋好愛佢」。

對於愛女成為首位猴B,鄔生指「感覺好特別,大家都記得佢年初一出世,係一份好好嘅禮物」。鄔太則說B女在肚內已猶如猴子一樣好動:「佢好non-stop咁係度郁」。他們暫未為女兒改名,亦無期望她做什麼職業,主要視乎她的興趣,也不擔心學業壓力問題,因為相信女兒是聰明伶俐的。

被問及會否「乘勝追擊」為女兒帶多個弟弟或妹妹,鄔生稱未有計劃,鄔太則笑說:「睇吓搞唔搞得掂依個先啦!」

掌握最新消息,請Like「明報即時新聞」fb專頁!http://www.facebook.com/mingpaoinews

【霸氣】利巿多到要用個篋裝住!報道: http://bit.ly/20PrMxv(關注娛樂,請like Mingpao OL)【肥媽憶婚變 前夫有第三者 「我以為自己是好老婆扛起所有事 令他沒擔起父親責任」】...

Posted by 明報即時新聞 on 2016年2月7日

相關字詞﹕編輯推介 迎新春

上 / 下一篇新聞