港聞

【短片:Emily Online】初二再到車公廟 葉劉:睇下會唔會撞到嗰隻麒麟 (11:09)

話說上年大年初二,立法會議員兼新民黨主席葉劉淑儀陪同當時嘅「發叔」劉皇發去車公廟求籤,葉太畀隻麒麟撞到企唔穩嗰一幕,相信唔少人仍然記憶猶新。自從畀麒麟撞一撞之後,葉太上年運程似乎麻麻,尤其係因為「等埋發叔」而喺政改一役蝦碌無投票,最終搞到要落淚人前,都咪話唔激心。

作為一黨之首,無論點都要迎難而上,趁住猴年大年初一,葉太喺facebook上載短片同大家拜年,祝願巿民萬事如意,大吉大利。佢仲預告聽日(年初二)獲得沙田鄉事委員會邀請,出席車公廟盛會,一定會應邀到場趁熱鬧,「睇下今年又會唔會撞到嗰隻麒麟呢!」正所謂邊度跌低就邊度企番起身,初二去車公廟打個轉,話唔定真係可以轉運呢。

掌握最新消息,請Like「明報即時新聞」fb專頁!http://www.facebook.com/mingpaoinews

【猴年第一抽】學網民話齋:麒麟有隱喻呀!報道:http://bit.ly/1QPypLR【多相:清晨維園年宵掃平貨 又捧又拖】http://bit.ly/1NYUdjl【東鐡列車復常 大埔墟一度200人等接駁巴士】...

Posted by 明報即時新聞 on 2016年2月7日

相關字詞﹕編輯推介 葉劉淑儀 麒麟

上 / 下一篇新聞