港聞

【短片:Emily Online】千福BB廣東話拍《西遊記》賀歲片 祝猴年快樂 (16:25)

農曆新年將至,一向創意無限嘅美國駐香港及澳門總領事館,今日喺facebook發放一條賀歲短片,祝大家新年快樂。為迎接猴年,新片以中國名著《西遊記》為背景,總領事夏千福飾演唐僧,搵齊3個徒弟之後,就同佢地齊齊向香港市民拜年,而且全程講流利廣東話,氹得網民好開心啊。

觀音大使吩咐「千福BB」完成使命,仲畀左塊鏡佢,話可以照到徒弟嘅真面目。於是夏千福就出發去澳門,搵到豬八戒,仲一齊食當地名產葡撻;然後就返咗去香港嘅車公廟,搵埋沙僧同孫悟空(由毛公仔飾演)兩個徒弟,完成去總領事館祝所有人萬事如意嘅任務。

不過,原來一切都係場夢,一覺春秋大夢醒來嘅夏千福,隨即同領事館仝人祝大家「猴年快樂、萬事如意、恭喜發財!」

唔少網民都喺fb留言,大讚千福BB發音好,多謝佢哋尊重香港文化同語言,有人仲話連中國政府都唔會同香港人講廣東話。

掌握最新消息,請Like「明報即時新聞」fb專頁!http://www.facebook.com/mingpaoinews

【子瑜之後】沈旭輝說,這是娜姐的傳統,每一站都會披上當地旗幟,例如在巴塞隆拿是巴塞隆拿旗,而不是西班牙旗。詳情:http://bit.ly/1X7jmPV【英回應聯署:不承認台灣為國家 台稱無損主權國事實】...

明報即時新聞貼上了 2016年2月4日

相關字詞﹕迎新春 夏千福 美國駐香港及澳門總領事館 編輯推介

上 / 下一篇新聞