港聞

【短片:Emily Online】吳若蘭着大戲戲服扮馬騮、廣東話拜年 「英國對香港嘅承諾至今不變」 (20:51)

猴年快到,英國駐香港及澳門總領事館今日喺社交網站facebook發放短片,恭祝大家猴年吉祥。今年已經係總領事吳若蘭喺香港過第4個農曆新年,年年佢都鍾意搞搞新意思同大家拜年,上年就用揚琴彈咗一首傳統嘅廣東新春樂曲,今年就着起中國傳統戲服、化埋妝扮馬騮,眼仔碌碌咁非常醒神,而全長兩分幾鐘嘅短片,佢亦一如往年,用好流利嘅廣東話同大家拜年!

吳若蘭喺短片中話,今年係丙申猴年,而馬騮係聰明、機智、靈巧嘅象徵,「我哋都要好似馬騮咁,靈巧機智咁用明智而認真嘅方法,迎接新一年嘅機遇同挑戰」。佢又特別提到,「回歸接近20年,英國對香港嘅承諾至今不變,我哋會繼續堅持,同時加強同特區以及中國嘅關係。」

吳若蘭今年特別着起戲服同大家拜年,面上仲畫埋紅白黑嘅馬騮妝,佢話廣東粵劇喺2009年被列入聯合國人類非物質文化遺產,佢好開心可以着住大戲戲服同大家見面,感受一下呢項同大家好有淵源嘅文化活動。

掌握最新消息,請Like「明報即時新聞」fb專頁!http://www.facebook.com/mingpaoinews

【任姐遇上Google】Google常因應不同節日或名人生辰死忌而變更其網頁logo塗鴉,但香港人能有份其中,卻不多見,「任姐」果然魅力非凡。 報道:http://bit.ly/1R4RzPA【兼學簡體字?】教局文件提建議 家長反彈:可...

Posted by 明報即時新聞 on Thursday, February 4, 2016

相關字詞﹕編輯推介 吳若蘭 英國 總領事 迎新春

上 / 下一篇新聞