港聞

【Emily Online】梁振英偕妻出席母校英皇頒獎禮 籲師弟考慮一下創科熱潮 勿僅以當醫生為目標 (22:24)

政府今早公布委任鍾偉強同梁淑寶做創科局副局長同政治助理,行政長官梁振英同太太梁唐青儀晏晝返到母校英皇書院出席頒獎禮,亦都不忘提提創新科技嘅發展。

有出席典禮嘅家長同Emily講,梁振英致辭時用咗唔少篇幅,分析香港喺科學研究、創新科技上嘅發展。他舉例指,現時本港有超過40家初創企業培育中心,麻省理工學院亦喺去年宣布將會喺香港成立第一個海外創新中心,如果同學打算從事科技行業,相信將來會有不少發揮嘅機會。

梁振英又笑稱,知道自己嘅母校一向有唔少學生成功考入各大學嘅醫學院,但他認為同學目光要遠、視野要闊,鼓勵師弟作生涯規劃時唔好淨係諗住做醫生,局限自己嘅選擇。

掌握最新消息,請Like「明報即時新聞」fb專頁!http://www.facebook.com/mingpaoinews

【家長的關注】家長:係香港出街都要拖實甘(咁)行,過時過節回鄉探親一對一拖住都驚,比人捉左(咗)唔見左(咗)試問邊個賠返比我。報道: http://bit.ly/20xfwlh【Emily Online】高永文拍關注精神健康短片 林鄭...

明報即時新聞貼上了 2016年1月29日

相關字詞﹕科學 科技 梁振英 梁唐青儀 英皇

上 / 下一篇新聞