港聞

【專訪】無綫新聞播吳亮星「嫖妓論」 李寶安:唔覺得我哋有咩錯 (00:40)

無綫新聞報道立法會議員吳亮星「嫖妓論」惹起爭議,通訊局前日接獲近4000宗投訴,昨累計升至近7000宗,主要不滿報道未經證實、失實誤導。無綫集團行政總裁兼執行董事李寶安在訪問中,作出詳細回應。

記者:如何回應無綫新聞報道吳亮星言論被投訴?

李寶安:撫心自問,報道啫,佢喺公眾場合講,我唔覺得我哋有咩錯,佢真係發生咗。我報道咗,佢惹來批評,佢哋好多人唔鍾意佢(吳)o既說話。呢個批評代表緊依家個現實,有啲人唔鍾意聽呢啲說話,但唔可以佢批評,我就話新聞部唔好播喎,你揀過,啱聽播,唔啱聽唔好播,咁咪正正違反新聞部獨立o既準則囉?我哋乜都播,讚又播,鬧又播,唔可以夾硬抽起隱瞞或filter某啲嘢,等新聞部攞個良心出嚟,啲嘢係發生咗o既,係咁樣公開o既,你咪去報道囉,不加亦不減,啲人嚟投訴,就正正係政治現實,避免唔到。

記者:投訴升至7000宗,你覺得有無問題?

李寶安:我哋同事做新聞,記者、編輯唔會有任何政治考慮,一個議員係立法局(立法會),佢喺大眾講o既說話,唔會唔報道,亦唔會因為(考慮)呢個報道會唔會有第二啲投訴呀、政治o既東西呢,做新聞o既人,要考慮呢樣嘢,個新聞唔得持平中立,本身帶有政治思想過濾所採訪新聞,呢個相信喺新聞界,就算係你哋,都唔會咁樣做。我相信報道吳亮星議員,除咗tvb,報紙、雜誌個個都報,我哋唔會話驚有人投訴,將自己o既新聞中立同埋報道責任改變或收起。呢個純粹係做新聞立場及原則,唔係好聽o既說話就報,唔好聽o既說話唔報。

記者:有線都同樣有報道,但唔見有投訴。

李寶安:我唔知佢有無收到投訴,現有投訴好多時政治化,正如佔中時,兩面投訴都有,我哋新聞部同事,唔會有政治考慮,唔會係政治上有投訴,抽起唔播,呢個違反最基本新聞立場。

掌握最新消息,請Like「明報即時新聞」fb專頁! http://www.facebook.com/mingpaoinews

【數字上升】主要投訴有關新聞報道內容未經證實,失實偏頗,誤導公眾,和對有關人士作人身攻擊。報道: http://bit.ly/1ZbDcOP【李波「平安信」收信人 書店新負責人「陳先生」曝光】...

Posted by 明報偵查報道 on 2016年1月7日

相關字詞﹕李寶安 無綫 吳亮星 嫖妓論

上 / 下一篇新聞